【宅喺屋企唔慶祝】黎曉陽新歌派台當25歲生日禮物




平時鍾意諗嘢,佢話新歌係用嚟表達自己。
黎曉陽今日喺商台宣傳新歌《I’ll be alright》,原來今日係佢25歲生日:「我揀今日派台因為係我生日,首歌係我送畀自己嘅生日禮物嚟。」呢首歌用咗5日時間,喺第一次同樂手一齊live咁錄歌,感覺好開心。

黎曉陽話平日人哋同佢招呼,問候佢「how are you」嘅時候,佢就會諗好多嘢:「我會諗佢係咪問我 how’s your life,我諗得好深入,不過我次次未諗完,人哋就走咗,我o依家會用呢首歌答佢。」佢仲話自己平日好鍾意胡思亂想,會搞到自己有啲唔開心,所以會跑步、踩單車、吹色士風去減壓。今日生日打算點慶祝呢?黎曉陽話冇特別慶祝:「之前已經食咗6個蛋糕,有年試過朋友想畀驚喜我,點知我完全唔想出街,後來我知道佢哋買咗蛋糕畀我,我匿喺屋企喊,因為我好唔想去,所以o依家都唔會特別慶祝啦。」《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

(苹果日报)

[4798696]

Facebook Comments