【抱BB有啲吃力?】陳妍希減肥過度?雙腿幼到嚇親人…







陳妍希去年喺台灣,為大陸老公陳曉生咗個慈姑椗「小星星」,之後就一直留喺台北坐月。今日就有大陸嘅網民影到佢抱住囝囝,喺陳曉嘅老家合肥火車站出現,同行嘅並唔係陳曉,而係妍希BB嘅助手,相信佢喺帶「小星星」回家鄉,相信探望爺爺、嫲嫲。

今日12時許,有大陸網民喺微博上載咗幾張妍希BB抱住囝囝,同助手喺合肥火車站出現,當時見妍希BB身穿黑色大褸,同戴住口罩,將囝囝抱入懷中,但雙腿纖細,似乎佢都已經修晒身。妍希身邊助手就背住個大背囊,同拖住兩件行李,以一敵七咁款。有網民見到妍希BB就大讚佢好識着衫,因為咁樣着顯得佢好瘦。亦有網民話:「小星星要見到爺爺奶奶啦」、「女神腿也太細了吧,歡迎蒞臨合肥」;但也有網友見佢抱BB有似有啲吃力,擔心佢產後急於減肥,體力尚未恢復。
《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

有網民喺合肥火車站野生捕獲陳妍希。(微博圖片) 有網民擔心佢過度減肥,唔夠力抱BB。(微博圖片) (微博圖片) 15年,妍希BB就同陳曉返過合肥家鄉祭祖。(資料圖片) (資料圖片)

(苹果日报)

[4798662]

Facebook Comments