【單身喎!】再拍拖會盡量低調 連詩雅:朋友圈越來越細







連詩雅(Shiga)、Dear Jane、盧覓雪同項明生今日去到海洋公園,為夜間美酒佳餚活動擔任揭幕嘉賓,海洋公園副主席劉鳴煒上台介紹詳情,仲話個活動投資千萬。

Shiga同Dear Jane分享以前去海洋公園玩嘅趣事,咁有冇試過同另一半嚟玩?Shiga只係話:「通常一大班人嚟,有男有女。」反而Dear Jane承認有約女仔嚟玩機動遊戲,博對方驚嗰陣攬實自己喎。Jackal話:「我玩海盜船會驚,嗰次同個大我少少女仔去玩,佢反過來保護我,之後就撮合咗一段姻緣。」Jackal事後訪問時,就透露同頭先講嗰個女仔拍咗近六年拖,最後都係分手收場,平日甚少講感情事嘅佢,呢個moment突然面紅緊張:「我以前係同大過自己女仔拍拖多啲。」單身嘅Shiga坦言如果再拍拖,會盡量低調,唔想私人生活太曝光,佢話:「讀書時男仔朋友多,入行就少咗約,O依家人大咗,朋友圈越來越細,有時都唔介意同男性朋友相約同食飯。」
《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

連詩雅(Shiga)、Dear Jane、盧覓雪同項明生今日去到海洋公園為夜間美酒佳餚活動擔任揭幕嘉賓 Dear Jane Shiga

(苹果日报)

[4798665]

Facebook Comments