【請師姐返嚟飲?】Mandy Lieu師妹歐家裕 5月閃嫁百億太子爺






Mandy Lieu公司旗下模特兒歐家裕(Joe),早排佢參加過ViuTV嘅《美選 D.n.A》,雖然嗰陣佢以大熱姿態參加,不過最後因為健康問題再加上被陳意嵐(Tarah)『批踭』退選。(新聞連結:http://bit.ly/2m34AkV)

喺退選後甚少露面嘅Joe,今日有周刊報道話佢舊年喺朋友介紹下,認識咗百億航運業太子爺Jacky Lam,識咗冇耐已經戀得火熱,仲經常周遊列國,拍拖冇耐Joe已經搬咗去男友位於何文田山道嘅獨立屋同居,近日男友求婚成功,預計喺5月尾擺酒,筵開40-50席。報道仲話Joe嘅男友Jacky其實喺15年同拍拖4年嘅Model女友張詩敏(Jessie)結婚,但係呢段婚姻只係維持咗1年,喺舊年因為性格不合而分手,本來Jacky冇諗過咁快結婚,點知遇到Joe後,已經有結婚嘅決定,男方嘅爹哋、媽咪都好滿意阿Joe。準新娘阿Joe今日接受《蘋果》訪問,問到佢係咪5月結婚,佢好大方話:「係呀,啲消息傳得咁快,多謝你呀!其實都未有心理凖備公開,但係呢啲都係開心事嚟,收到大家祝福,多謝大家呀!」講到求婚係咪好浪漫,阿Joe大晒幸福話:「我哋日日都好浪漫呀!」跟住再問婚禮嘅詳情,阿Joe話:「我哋月尾去影婚紗相,0依家要努力修身,不過今年未必會去蜜月,可能排到下年先 補返,因為今年Jacky比較忙。」至於結咗婚會唔會退出娛樂圈做少奶奶?佢話:「我都想做少奶奶呀,不過都要做吓嘢,所以會繼續接job。」
《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

(資料圖片) 阿Joe喺ig晒收花相。 有指歐家裕(右)因為受陳意嵐(左)嘅針對而退選。(資料圖片)

(苹果日报)

[4798609]

Facebook Comments