【將告別美國隊長?】基斯伊雲斯自爆99年失身:人生最美好一年





「美國隊長」 基斯伊雲斯(Chris Evans)接受新一期雜誌《Esquire》訪問,提到拍完兩部《復仇者聯盟3》(Avengers: Infinity War)之後,可能唔會再演美國隊長,又自爆於1999年失身。

現年35歲嘅基斯伊雲斯受訪時指1999年,係佢人生中美好嘅一年:「我知道自己8月要去洛杉磯,所以那一年春天直接回家,我會睡到中午,返回高中只為見我的朋友,我們會於停車場狂歡。那一年我失身,1999年是我人生最美好的一年之一。」訪問期間,基斯又提到《復仇者聯盟3》即將開拍,佢話自己滿身傷痕,現時佢已開始進行訓練,因為下月將投入電影拍攝,而佢拍埋呢兩部《復仇者聯盟》,與Marvel嘅合約就會完結,加上佢唔止一次講過有意唔再演美國隊長,意味基斯有可能會告別美國隊長呢個角色。不過外國傳媒指,Marvel可能會作出挽留,與基斯重新簽合約,可能好似「鐵甲奇俠」羅拔唐尼(Robert Downey Jr.)咁,羅拔唐尼未有再拍《鐵甲奇俠》電影,但會喺其他超級英雄片出現。
《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

「美國隊長」 基斯伊雲斯自爆喺1999年失身。 基斯拍埋兩部《復仇者聯盟3》,與Marvel合約就會完結。

(苹果日报)

[4798448]

Facebook Comments