【冇戲癮唔復出】弟婦熊黛林心急生仔 郭可盈:right timing天就會俾







郭可盈今日喺玫瑰崗學校參加奧比斯蒙眼午餐活動,可盈以愛眼之星身份出席,返到母校,可盈話:「一切記憶猶新,離開咗一段日子,畢業後都未返過嚟,好有回憶同親切感。」可盈o依家主力湊女,一切都以陪個女成長為大前題,佢仲話同囡囡嘅關係好穩固,每日都同佢傾偈。

問到有冇戲癮?可盈話:「睇戲癮就有,o依家會留意電視劇同電影,睇吓邊啲啱小朋友睇,陪住佢接送返學,參與學校嘅活動,就好似體驗另一樣嘢,過另一個童年咁。」可盈話間唔時都會有大陸劇組寄劇本畀佢,但佢就話要取捨,因為拍劇時間太長,自己比較珍惜同囡囡嘅相處時間,加上同老公林文龍都有共識,似乎要打動可盈復出都幾難!提到弟婦熊黛林恨生B,之前就見佢去睇中醫調理身體( 新聞連結:http://bit.ly/2n6h2Rd ),可盈話:「佢好心急!我哋全家唔會俾壓力,唔好成日諗,自然啲,right timing天就會俾,結婚唔係好耐,唔使急。」問佢有冇傳授生B秘方?可盈話:「順其自然,最緊要調理好身體。」問到可盈有冇意思再追多個?佢就話:「原本有意,但唔刻意,個女7歲,唔想相距咁遠,冇乜所謂,唔好刻意,順其自然。」《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

佢話屋企人都冇俾壓力弟婦熊黛林生仔。 可盈今日返母校出席奧比斯活動。 熊黛林之前同老公一齊去睇中醫調理身體。(資料圖片) (資料圖片)

(苹果日报)

[4797772]

Facebook Comments