【被私有化】「巨胸翠如」暗撻拳王 碼頭互揪耍花槍









憑一對35F巨咪闖入娛圈嘅「巨胸翠如」鄧月平(Larine),參加ViuTV《美選D.n.A》嘅時候,未選完已經俾蕭定一睇中,簽約成為周秀娜師妹,實行「胸」降電影圈!

事業發展順利,原來感情亦有著落,今日有報道話一直自稱為單身嘅Larine,暗撻有「風之子」之稱嘅前香港拳王杜恒霖(Bryan),0依家嘅關係仲發展到同居階段,被私有化嘅Larine已進駐男友喺紅磡嘅豪宅,Bryan除咗揸住架瑪莎拉蒂管接送外,又影到佢哋拍拖去金魚街,邊行邊談情,女方仲表現得好癡纏。與此同時,佢哋仲俾人影到喺屋企窗邊貼身纏綿!嚟緊會打番拳賽兼拍電影嘅Bryan,《蘋果》今朝一早又同女友Larine去咗紅磡碼頭做運動,佢兩個著晒情侶裝,落車之後先做一輪拉筋熱身運動,跟住再沿住海濱長廊跑步,之後再即場對打互揪,過咗一段時間,Larine同Bryan慢慢行去拎車,臨上車前兩人被問有指已經拍拖至同居階段,最初好有默契咁笑而不語,Larine之後話:「唔係,我哋係好朋友。」講到有冇發展機會,佢兩個又笑笑口,越企越開話:「唔講喇!」不過Bryan話遲啲拳賽Larine都會撐場支持,最後佢哋兩個上車離開。

Bryan嚟緊會參賽兼拍電影,梗係要努力操fit喇! Larine啲筋骨都好柔軟喎! 做完運動唔知係咪返屋企呢? 佢哋兩個笑笑口否認拍拖。

(苹果日报)

[4797773]

Facebook Comments