【堅稱冇露點照外洩】愛瑪屈臣遭黑客公開私密照 大肚雅曼達都係受害人




愛瑪屈臣遭黑客公開私密照,但否認冇裸露外洩。
雅曼達施菲與舊愛Justin Long拍拖時期嘅裸照被盜。
荷李活再發生女星遭黑客入侵盜取私密照事件,最新受害人「妙麗」英國女星愛瑪屈臣(Emma Watson),同埋正懷孕嘅《賤熊2》(Ted 2)女主角雅曼達施菲(Amanda Seyfried)。

愛瑪屈臣正忙於宣傳真人版《美女與野獸》(Beauty and the Beast),而佢嘅一輯試泳衣照於周二開始喺互聯網流傳,與呢輯相一齊公開嘅仲有一批出浴照,不過相中裸露嘅女子樣貌有一半睇唔到,唔可以肯定係愛瑪。而愛瑪方面就指一輯形象師為佢拍攝嘅試衫照被盜,照片大約攝於兩年前,發言人強調愛瑪冇裸露照外洩。其實,兩年前愛瑪成為以聯合國女性親善大使身份發表演說後,曾有黑客話要發放佢嘅私密照,但未知係咪同一批黑客所為。至於雅曼達施菲就係與舊愛Justin Long拍拖時期嘅裸照被盜,相中雅曼達於浴室半裸,同埋佢雙手包胸與舊愛嘅合照。雅曼達於2015年同拍拖2年嘅Justin分手,現正為未婚夫Thomas Sadoski懷首胎而照片流出後,雅曼達透過律師要求網站刪走照片,,暫未知照片係從雅曼達定係Justin Long被盜。

(苹果日报)

[4797494]

Facebook Comments