【韓流】藝人唔易做!IU李玹雨抵冷拍夏季廣告凍到震






一般服裝品牌都會喺季尾推出新一季嘅衫,通常品牌嘅代言人會率先着新衫影新代言照。如果代言人要宣傳春夏Look,分分鐘仲係冬天嘅時候就要影新相。雖然一眾藝人相當敬業,唔會表現出嚟,但通常呢啲微細嘅幕後花絮就會畀工作人員或者粉絲捕獲到。

近日,「國民妹妹」IU及韓劇《武林學校》男星李玹雨於前年合作,擔任服裝品牌代言人嘅花絮相喺網上瘋傳。相中兩人着住短袖T恤及短褲,大賣夏季青春風格,不過花絮相中就見喺戶外拍攝嘅兩人似乎凍到震,當時更大風到吹到IU嘅頭髮亂晒。唔止IU同李玹雨,本月初女團Red Velvet出席棒球聯賽嘅開幕活動時,隊長Irene着住短袖、短裙亮相表演,更被粉絲影到佢出場前用毛毯包住全身,靠跑步熱身。而表演時大風到令Irene都不其然打冷震,令粉絲心痛不已,不過Irene嘅敬業演出獲得激讚。《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

IU及李玹雨拍攝嘅代言照 但真實係兩人凍到震 Red Velvet嘅隊長Irene早前亦被影到着住夏季服裝喺寒風中表演

(苹果日报)

[4797033]

Facebook Comments