【我要做Lucas!】栢芝一家三口睇戲兼買玩具 急住拆嚟玩















近年主力喺大陸發展嘅張栢芝,早前非常招搖咗揸住架法拉利跑車現身中環,噚日佢又出動喇!不過就非常低調,無他嘅,因為湊住兩位寶貝仔吖嘛!

今日下午4點幾,戴住黑超、黑色口罩型到爆嘅栢芝,湊住Lucas(謝振軒)同Quintus(謝振南)現身又一城,佢哋喺途經多間童裝店,栢芝仲眼望望,似乎想幫兩個寶貝仔置裝,不過最後都冇入到,反而去咗玩具反斗城買玩具。行咗半個鐘,栢芝最後買咗遙控機械蜘蛛畀Lucas同Quintus,畀完錢一出舖頭門口,Lucas兄弟即刻叫媽咪幫佢拆玩具玩,急不及待索性邊行邊玩。三母子之後仲行去food court方向,不過佢哋原來唔係想醫肚,原去來睇戲。似乎栢芝唔係好熟路,事關佢行嗰個門口,只係畀人散場離開之用。最後栢芝都係行返去樓下戲院正門,買飛睇《來自火星的愛》,買飛期間Lucas同Quintus喺媽咪隔籬好開心咁玩新玩具,而栢芝雖然包到實,不過都有唔少途人認出佢。而Lucas兩兄弟似乎玩到唔捨得入場,要栢芝叫咗幾聲先捨得行,而睇嚟栢芝心情似乎唔錯,離開時主動同記者揮手講byebye o添!《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

攝影:徐錦池 栢芝今日湊住Lucas同Quintus行街街 仲去咗玩具反斗城買玩具 最後買咗遙控機械蜘蛛 畀完錢一出舖頭門口,Lucas兄弟即刻叫媽咪幫佢拆玩具玩。 之後行去food court方向 原來係想去戲院 不過行錯路 栢芝買飛,Lucas同Quintus就掛住玩

(苹果日报)

[4796761]

Facebook Comments